19 dekabr 2010 11:26
2010-cu ilin ən güclüsü `Inter` oldu
FIFA tərəfindən klublar arasında təşkil olunan dünya çempionatı başa çatıb. Azerisport.az xəbər verir ki, İtaliya çempionu `Inter` turnirin final maçında `Mazembe`ni 3:0 məğlub edərək, dünya çempionu adını qazanıb.
Afrika Çempionlar Liqasının son sahibi olan Konqo təmsilçisi ilə Abu Dabidə oynanılan həlledici matçda italyanlar demək olar ki, ciddi çətinliklə qarşılaşmayıb. `Inter` Pandev, Eto’o ve Biabianinin qollarıyla planetin ən güclüsü adına sahib çıxıb.
3-cü yer uğrunda oyunda isə Cənubi Amerika çempionu `Internacional` Koreya təmsilçisi `Seongnam`a 4:2 hesabıyla qalib gəlib.
Dünya çempionatı
Final
Inter – Mazembe – 3:0
Qollar: Qoran Pandev, 13, Eto’o, 17, Biabiani, 86.
3-cü yer
Internacional - Seongnam – 4:2
Qollar: Tinqa, 15, Aleksandro, 27; 71, D`Alessandro, 52 – Molina, 84; 90.
