20 dekabr 2010 00:56
Zeynal Məmmədov: Bütün komanda buna görə məsuliyyət daşıyacaq
`Bakı`nın baş meneceri Zeynal Məmmədov komandasının Premyer Liqanın 18-ci turunun `İnter`lə oyunundan narazı qalıb. O, azerisport.az-a açıqlamasında bunları bildirib:
“Heç nə deyəcəyimi də bilmirəm. Düşünürdük ki, `Neftçi` üzərində qələbədən sonra çətinliklərimiz arxada qalar. Ancaq belə olmadı. Qoldan sonra biz çox pis oynadıq. Sanki hamısı yorulmuşdu. Buraxdığımız qollara gəlincə, birini özümüz qapımızdan keçirdik. Digər qol da elə ilk dövrədə `İnter`ə buraxdığımız qolun təkrarı idi. Belə çıxır ki, futbolçular rəqiblərimizi analiz etmirlər. Qoy futbolçular fikirləşsinlər - əgər komanda ilk “altılıq”dan kənarda qalsa, bütün komanda buna görə məsuliyyət daşıyacaq”.
