20 dekabr 2010 13:00
Qalmaqallı oyunun hakimi üzr istədi
Premyer Liqanın 18-ci turunun qalmaqallı oyununun hakimi üzr istəyib. Azerisport.az saytına müsahibə verən həmin qarşılaşmanın baş hakimi Ceyhun Haşımov üzləşdiyi xoşagəlməz hadisə ilə bağlı bunları dilə gətirib:
“Oyunun ilk yarısının başa çatmasına 2 dəqiqə qalarkən komandaları fasiləyə yollamağım öz diqqətimi çəkmədi. Fasilədə laynsmanlar mənə söylədilər ki, ilk yarının başa çatmasına hələ 2 dəqiqə qalırdı. Əsas olan odu ki, səhvimi düzəldə bildim, komandalara həmin vaxtı oynamağa da şərait yaratdım. Əlbəttə, bu, çox xoşagəlməz qalmaqaldı, buna görə mən hər kəsin qarşısında üzr istəyirəm”.
