20 dekabr 2010 14:55
ŞOK! Tovuzda `Simurq`un oyunçularını döyüblər
Premyer Liqanın sonuncu – 18-ci turu daha bir qalmaqalla yadda qalıb. Azerisport.az xəbər verir ki, Tovuzda keçirilən `Turan` - `Simurq` qarşılaşması diqqətdən kənarda qalsa da, Zaqatala klubunun rəsmi saytı vasitəsilə yayımlanan bəyanat böyük bir qalmaqalı üzə çıxarıb.
Məhz həmin oyundan sonra futbolçularının yerli oyunçular tərəfindən fiziki təzyiqlərə məruz qaldığını iddia Zaqatala klubunun rəhbərliyi bununla bağlı artıq Peşəkar Futbol Liqasına rəsmi məktub da ünvanlayıb. Yaxşısı budu elə hər şeyi həmin məktubdan oxuyaq:
“Bildiyiniz kimi, 19 dekabr 2010-ci il tarixində `Turan` - `Simurq` futbol klubları arasında Premyer Liqanın 18-ci turunun oyunu keçirildi. Matçdan sonra xoşagəlməz bir halı nəzərinizə çatdırırıq. Belə ki, oyun bitdikdən sonra `Simurq` PFK-nın oyunçuları soyunub-geyinmə otağına yolanmış və bir neçə dəqiqə sonra `Turan` PFK-da çıxış edən bir neçə yerli və əcnəbi oyunçuların hücumuna məruz qalmışlar. Bu hadisədə `Simurq` PFK-nın oyunçuları ciddi xəsarətlər almış və bununlada onların səhhətlərinə zərər yetirilmişdir. Bütün bunları nəzərə alaraq, sizdən xahiş edirəm ki, baş verənlərə hüquqi qiymət verib, bununlada futbolumuza xələl gətirən “Turan” PFK-nın futbolçuları haqqında ciddi ölçü götürəsiz”.
