20 dekabr 2010 17:29
`Qarabağ` Lənkərana oyundan 2 gün öncə yollanacaq
Premyer Liqanın son turunda `Muğan` üzərində 2:0 hesabıyla qələbə qazanan `Qarabağ` istirahətə ehtiyac duymayıb. Qurban Qurbanovun komandası dərhal qarşıdakı oyunun hazırlıqlarına start verib. Azerisport.az xəbər verir ki, qış fasiləsi ərəfəsindəki sonuncu – 19-cu turda Lənkəranda yerli `Xəzər Lənkəran`ın qonağı olacaq Ağdam təmsilçisinin heyətində zədə baxımından ciddi problem yoxdu.
Ağdam klubu qış fasiləsi ərəfəsində onları gözləyən çətin qarşılaşmaya daha yaxşı hazırlaşmaq üçün artıq sabah Lənkərana yola düşməyi planlaşdırır. Qeyd edək ki, 2010-cu ilin son oyunu olacaq `Xəzər Lənkəran` - `Qarabağ` dueli dekabrın 23-də Lənkəran şəhər stadionunda oynanılacaq və saat 17:00-da start götürəcək.
