21 dekabr 2010 16:44
AFFA özünü rəsmən sığortaladı
Bu gün “Landmark” Biznes Mərkəzinin “Rotunda” zalında AFFA ilə Paşa Sığorta arasında partnyorluq müqaviləsinin imzalanması mərasimi də keçirilib. Azerisport.az xəbər verir ki, Elxan Məmmədov imzalanma mərasimi öncəsi çıxış edərək, bunları vurğulayıb:
“Burada imzalanacaq müqavilə ilə AFFA-nın partnyorları sırasına daha bir nüfuzlu təşkilat – Paşa Sığorta da əlavə olunacaq. Azərbaycan futbolunun inkşiafına öz töhfəsini vermək qərarına gələn Paşa Sığortaya Azərbaycan futbol ailəsi adından minnətdarlığımızı bildiririk. İnanırıq ki, AFFA ilə Paşa Sığorta arasındakı əməkdaşlıq futbolumuzun inkişafına müsbət mənada öz təsirini göstərəcək”.
Sonra söz Paşa Sığorta şirkətinin İdarə Heyətinin sədri Nofəl Rzayevə verilib. O, AFFA ilə Paşa Sığorta arasında imzalanan müqavilənin ölkə futbolunun inkişafına müsbət təsir göstərəcəyinə, bu əməkdaşlığın uzunmüddətli olacağına ümid etdiyini bildirib.
Çıxışlar başa çatdıqdan sonra AFFA və Paşa Sığorta şirkəti arasında rəsmi müqalivə imzalanıb. AFFA tərəfdən müqaviləni baş katib Elxan Məmmədov, Paşa Sığorta tərəfdən isə şirkətin İdarə Heyətinin sədri Nofəl Rzayev imzalayıb və tərəflər bir-birinə hədiyyələr təqdim ediblər.
