21 dekabr 2010 12:32
Afrikanın ən yaxşı futbolçusu müəyyənləşdi
Afrikanın 2010-cu il üçün ən yaxşı futbolçusunun adı müəyyənləşib. Azerisport.az xəbər verir ki, İtaliyanın `Inter` klubunun hücumçusu Samuel Eto`o karyerası ərzində 4-cü dəfə qara qitənin ən yaxşı futbolçusu seçilib.
Qeyd edək ki, `Chelsea`nin və Fildişi sahili yığmasının hücumçusu Didye Droqba, həmçinin `Sanderlend` və Qana millisinin üzvü Asamoa Qyanla mübarizədən qalib çıxan Eto`onu Afrikanın 53 ölkəsinin milli komandasının baş məşqçiləri müəyyənləşdiriblər. 2010-cu ildə `Inter`lə İtaliya çempionluğunu, kubok və Superkubokunu, Çempionlar Liqası və klublararası dünya çempionatını qazanan qaradərili forvard 2003, 2004 və 2005-ci illərdə də Afrikanın ən yaxşı futbolçusu olmuşdu.
