23 dekabr 2010 01:47
Bundesliqa klubları üçün kubok şoku, `Bayern`dən `Stuttgart`a sitəm
Almaniya kubokunda 1/8 final mərhələsinin oyunlarına yekun vurulub. Azerisport.az xəbər verir ki, ikinci oyun gününə təyin olunan 4 qarşılaşmanın demək olar ki, hamısı bol qollu alınıb.
Maraqlıdır ki, ikinci oyun günündə əsasən səfərdə çıxış edən klublar 1/4 finala vəsiqə qazanıblar. Aşağı divizion təmsilçilərindən `Duisburg` `Cologne`-ü, `Energie` `Wolfsburg`u sensasion şəkildə kubokdan kənar qoyub. `Stuttgart` - `Bayern` matçında isə əsl qol yağışı baş verib. Münhenlilər 9 qolun vurulduğu qarşılaşmada növbəti mərhələyə vəsiqəni rəsmiləşdirib.
`Alemannia` - `Eintracht` görüşündə isə növbəti mərhələyə vəsiqənin sahibini penaltilər müəyyənləşdirib. Əsas vaxtı qolsuz tamamlanan qarşılaşmanın əlavə olunmuş vaxtında tərəflər hərəyə 1 qol vurub. Penalti zərbələrində isə aşağı divizion təmsilçisi günün növbəti sensasiyasına imza ataraq, digər Bundesliqa təmsilçisinin də növbəti mərhələyə yolunu kəsib
Almaniya kuboku
1/8 final
22 dekabr
Cologne – Duisburg – 1:2
Wolfsburg - Energie Cottbus – 1:3
Stuttgart - Bayern Munich – 3:6
Alemannia Aachen - Eintracht Frankfurt – 1:1 (penaltilərlə 5:3)
