23 dekabr 2010 18:41
`Inter` nəhayət ki, baş məşqçisini istefaya göndərdi
`Inter` nəhayət ki, baş məşqçisi ilə yollarını ayırıb. Azerisport.az xəbər verir ki, İtaliya çempionunu cari mövsümün əvvəlindən çalışdıran Rafael Benitesin istefaya göndəriləcəyi hələ xeyli müddət idi ki, gözlənilirdi. Lakin Milan klubu məhz bu gün rəsmi saytı vasitəsilə yaydığı bəyanatla bu məlumatı təsdiqləyib.
Qeyd edək ki, çoxları komandaya bir neçə gün öncə FİFA-nın təşkil etdiyi klublararası dünya çempionatında qalid adını qazandıran ispaniyalı mütəxəssisin postunda qalacağını düşünsə də, belə olmayıb. A seriyasında işləri heç də yaxşı getməyən klub rəhbərliyi çıxış yolunu məhz Beniteslə yolları ayırmaqda görüb.
Qeyd edək ki, Joze Muorinyo ilə yollarını ayıran `Inter`, 6 ay sürən Benites dönəminde İtaliya çempionatında ilk dövrəni 2 matç əskik olmaq şərtilə, 23 xalla 7-ci sırada bitirib.
