23 dekabr 2010 20:06
Qurban Qurbanov: Darıxmışdıq
Premyer Liqanın qış fasiləsi ərəfəsindəki sonuncu – 19-cu turunun son oyununda üz-üzə gələn `Xəzər Lənkəran` - `Qarabağ` görüşündən sonra qonaqların çalışdırıcısı Qurban Qurbanov matçla bağlı fikirlərini açıqlayıb. Azerisport.az xəbər verir ki, Ağdam klubunun baş məşqçisi çətin səfərdə əldə etdikləri 2:1 hesablı qələbəylə bağlı bunları dilə gətirib:
“Çoxdandı bu cür izdihamlı publika üçün darıxmışdıq. Belə azarkeşlər qarşısında oynamaq hər zaman xoşdur. Oyuna ciddi hazırlaşmışdıq, qələbə bizə vacib idi. Qalib gəldiyimiz üçün şadam. Mirça Rednikə intizamlı və mübariz komanda yaratdığı üçün minnətdaram”.
