23 dekabr 2010 20:14
Rednik: O, Azərbaycanda gördüyüm ən yaxşı hücumçudur
Premyer Liqanın qış fasiləsi ərəfəsindəki sonuncu – 19-cu turunun son oyununda üz-üzə gələn `Xəzər Lənkəran` - `Qarabağ` görüşündən sonra meydan sahiblərinin rumıniyalı çalışdırıcısı Mirça Rednik də matçla bağlı fikirlərini açıqlayıb. Azerisport.az xəbər verir ki, Lənkəran klubunun baş məşqçisi doğma meydanda keçirilən həlledici oyunda qeydə alınan 1:2 hesablı məğlubiyyəti belə şərh edib:
“Qarabağ` komandasını qələbə münasibəti ilə təbrik edirəm. Hələ Azərbaycana gələndə `Qarabağ`ın Avropa Liqasındakı oyunlarını izləmişdim. Çox güclü komandadır, bu gün də qələbəyə layiq idilər. Rauf Əliyevin oyunu çox xoşuma gəldi. O, Azərbaycanda gördüyüm ən yaxşı hücumçudur. Qış fasiləsinə `Neftçi`dən bir xal geridə yollanırıq. Məncə, bu, pis nəticə deyil. Çempionluq uğrunda mübarizə hələ davam edir”.
