28 dekabr 2010 17:26
Millimizə qol vuran futbolçu ölkəsində ilin futbolçusu seçildi
Almaniyanın `Bayern` klubunda top qovan Bastian Şvaybştayger, ölkəsində ilin futbolçusu seçilib. Azerisport.az xəbər verir ki, milli komandanın da şərəfini qoruyan Münhen klubunun yarımmüdafəçisi “Kicker” nəşrinin sorğusunda hamını qabaqlamağı bacarıb.
26 yaşlı təcrübəli futbolçu indiyədək Bundesliqada 223 matça çıxıb ki, `Bayern`ə qoşulduğu 1998-ci ildən bəri 5 dəfə ölkə çempionluğunu, elə eyni sayda da ölkə kubokunu başı üzərinə qaldırıb.
Qeyd edək ki, AÇ-2012-nin seçmə mərhələsi çərçivəsində Azərbaycan yığması ilə eyni qrupda yer alan Almaniya millisinin şərəfini qoruyan Bastian indiyə qədər komandamıza qarşı keçirdiyi oyunlarda 1 dəfə qol vurmağa da nail olub.
