28 dekabr 2010 00:00
`Inter`in daha bir futbolçusu ölkəsində ilin futbolçusu seçildi
`Inter`in daha bir futbolçusu ölkəsində ilin futbolçusu adını qazanıb. Azerisport.az xəbər verir ki, İtaliya klubunun makedoniyalı hücumçusu Qoran Pandev həmyerliləri tərəfindən geridə qoymağa hazırlaşdığımız ilin ən yaxşısı seçilib.
Qeyd edək ki, Pandev bu il İtaliya klubuyla ölkə çempionluğunu, kubokunu, həmçinin superkubokunu, UEFA Çempionlar Liqasını, FİFA tərəfindən keçirilən klublararası dünya çempionatını qazanmışdı. Elə onun karyerası ərzində 5-ci dəfə Makedoiyanın ən yaxşısı seçilməsində də məhz bu amilin böyük rolu olub. Hazırda Salyanın `Muğan` klubunda top qovan Saşko Pandevin qardaşı olan Qoran 2004, 2006, 2007 və 2008-ci illərdə də ölkəsində hamıdan güclü futbolçu olmuşdu.
