29 dekabr 2010 00:57
Xəzər Lənkəran: Ən çox cərimə olunan elita təmsilçisi
Azerisport.az Premyer Liqanın qış fasiləsinə qədərki mərhələsinin nəticələri, baş verən olaylarla bağlı statistik araşdırmalarını davam etdirir. Bu dəfə AFFA-nın büdcəsinə daha çox pul qazandıran, hamıdan artıq cərimə olunan klublardan söhbət açacağıq.
Geridə qalan 19 tur ərzində elita təmsilçiləri AFFA-nın büdcəsinə bütövlükdə 101200 manat cərimə ödəyiblər. Bunun 51200-ü futbolçuların aldığı sarı və qırmızı vərəqələrə görə ödənilibsə, yerdə qalan 50 mini digər müxtəlif qayda, qanun pozuntularına görə tutulub.
Asossiasiyanın büdcəsinə ən çox xeyir verən klub isə `Xəzər Lənkəran`dı. Belə ki, aşağıdakı cədvəldən də göründüyü kimi, bölgə təmsilçisi elita klubları arasında daha çox (32000 manat) ziyana düşüb. Bunun da böyük hissəsi futbolçuların aldığı vərəqələrə görə yox, komandanın ev oyunları zamanı stadionda baş verən müxtəlif tipli qanun pozuntularına, klub rəsmilərinin qaydalara əməl etməməsinə görə ödənilib.
AFFA-nın büdcəsinə daha çox xeyir verən komandaların sıralamasında növbəti yeri `Bakı` tutur ki, cari mövsüm işləri heç də yaxşı getməyən bu komandanın ikinci pillədə olması təəccübləndirməməlidi. Özü də maraqlıdı ki, həmin cərimələr də daha çox bu paytaxt klubunun üzvlərinin aldığı vərəqələrdən qaynaqlanır.
Cari mövsüm sərgilədiyi oyun və qazandığı nəticələri ilə hamını təəccübləndirən AZAL AFFA-ya cərimə ödəmək baxımından da ən aşağı göstəriciyə malik olmasıyla diqqət çəkir. Maraqlıdı ki, “təyyarəçilər” 19 tur ərzində cəmi 1 dəfə federasiyanın büdcəsinə cərimə ödəmək məcburiyyətində qalıb ki, bu da cəmi 200 manat olub.
AZAL-dan sonra ən az cərimə olunan klub ünvanı isə `Qarabağ`a məxsusdu. Ağdam təmsilçisi də cəmi bir dəfə cərimə ödəmək məcburiyyətində qalıb. Lakin məbləğ (1000 manat) fərqli olub.
Sonda onu da qeyd edək ki, XL digər səbəblərə görə daha çox cərimə ödəyən klub olduğu halda, onun əsas izləyicisi `Bakı` da vərəqələrə görə ən çox ziyana düşən elita təmsilçisidi. Bütün klubların bu aqibəti yaşadığı halda, MOİK, `Qəbələ`, `Muğan`, `Simurq`, `Qarabağ` və AZAL heç vaxt kənar amillərə görə AFFA-ya cərimə ödəməyib.
Klubların AFFA-ya ödədikləri cərimələr
|
Klublar
|
Vərəqələrə görə
|
Digər səbəblərdən
|
CƏMİ
|
|
XL
|
7000
|
25000
|
32000
|
|
Bakı
|
10800
|
1000
|
11800
|
|
Neftçi
|
2000
|
8000
|
10000
|
|
MOİK
|
9400
|
-
|
9400
|
|
Qəbələ
|
9000
|
-
|
9000
|
|
Turan
|
1200
|
7000
|
8200
|
|
Gəncə
|
3200
|
4000
|
7200
|
|
İnter
|
2000
|
5000
|
7000
|
|
Muğan
|
3200
|
-
|
3200
|
|
Simurq
|
2200
|
-
|
2200
|
|
Qarabağ
|
1000
|
|
1000
|
|
AZAL
|
200
|
-
|
200
|
|
CƏMİ
|
51200
|
50000
|
101200
|
