29 dekabr 2010 15:03
Rednikin Rumıniyada axtardığı mərkəz müdafiəçisinin kimliyi müəyyənləşdi
Rumıniya mətbuatı daha bir futbolçunun `Xəzər Lənkəran`a mümkün keçidini gündəmə gətirib. Azerisport.az xəbər verir ki, sözügedən ölkədən olan həmkarlarımız bu dəfə də `Styaua`nın mərkəz müdafiəçisi George Qalamazın Mirça Rednikin maraq dairəsinə düşdüyünü iddia edirlər.
Qeyd edək ki, Rednik bu komandanın daha bir üzvünü - Banel Nikolitanı komandasına gətirmək istəsə də, ona görə çox pul tələb olunduğundan, bu fikrindən vaz keçmişdi. İndi Qalamazla bağlı danışıqların necə nəticələnəcəyi maraqla gözlənilir.
Qeyd edək ki, tam adı George Daniel Qalamaz olan futbolçu 5 aprel 19811-ci ildə Buxarestdə dünyaya gəlib. 1.87 m boyu olan mərkəz müdafiəçisi karyerasına 1998-ci ildə aşağı dəstə təmsilçisi `Sportul Studentesk`də başlayıb. 2003-cü ilə qədər bu komanda 98 oyun keçirib və 4 qola imza atıb. 2004-cü ildə `Rapid`də 11 oyunda 1 qol vuran Qalamaz 2004-2006-cı illəri Buxarest `Dinamo`sunda keçirib - 41 oyun. 2007-2010-cu illərdə `Unirya`nun şərəfini qoruyan futbolçu (118 oyun, 10 qol) 2010-cu ildə `Styaua`ya keçib.
Rumıniya U-21-də 7 oyun keçirən Qalamaz 2009-cu ildən 3 dəfə əsas yığmaya dəvət olunub.
