29 dekabr 2010 16:11
Rəşad Sadıqov Superliqanın 2-ci dövrəsinin hazırlıqlarına başladı
Futbol üzrə milli komandamızın kapitanı Rəşad Sadıqov Türkiyənin `Eskişehirspor` klubunun tərkibində Antalya şəhərində təşkil olunan təlim-məşq toplanışına başlayıb. Azerisport.az xəbər verir ki, Eskişehir klubu bir neçə günlük istirahətdən sonra Superliqanın ikinci dövrəsinin hazırlıqlarına start verib.
Qeyd edək ki, fasilə dönəmində Bakıya qayıdan həmyerlimiz də artıq klubuyla birgə hazırlıqlara start verib. Onun da yer aldığı komandanın üzvləri bir neçə mərhələdən ibarət hazırlıq dövründə həm də bir sıra klublarla, eyni zamanda Almaniya klublarıyla sınaq matçında qüvvələrini sınayacaqlar.
