29 dekabr 2010 23:18
`İnter`in prezidenti komandasından ikiqat uğur gözləyir
Son ölkə çempion `İnter`in prezidenti Georgi Nikolov Yeni İl Bayramı münasibətilə Azərbaycan xalqını və komandasının üzvlərini təbrik edib və arzularını dilə gətirib. Azerisport.az xəbər verir ki, “bankirlər”in bolqarıstanlı prezidenti təbrikində bunları vurğulayıb:
“İşıqlı bayramlar yaxınlaşır.Yeni İl və Milad bayramları özlərilə yeni ümidlər gətirir. Azərbaycan xalqını, məni vətənində isti qarşılayan və 5 ildir mənə qayğı və mərhəmətini əsirgəməyən xalqı səmimi qəlbdən təbrik edirəm. Hamıya böyük məhəbbət arzulayıram, qoy, hər bir ev xoşbəxtliklə, çox uşaqla dolu olsun. Arzu edirəm ki, gələn il bütün arzular həyata keçsin. Ən başlıcası-hamıya ayrı-aryılıqda cansağlığı arzulayıram!
Komandamız onun üçün kifayət qədər uğurlu olan 2010-cu ili yola salır. Axı, biz bu ildə çempion olduq. Buna görə də, gələn ildə komandaya bu uğuru iki dəfə artırmağı və qələbələrilə başa çatmaqda olan ilin xoş nəticələrini kölgədə qoymağı arzulayıram. Həmçinin futbolçulara, məşqçilərə və klubun bütün heyətinə şəxsi həyatda xoşbəxtlik, ailələrinə cansağlığı diləyirəm. Qoy, gələn il onlara yalnız xoşbəxtlik gətirsin və yaddaşlarında yalnız xoş xatirələr qalsın!”.
