29 dekabr 2010 11:18
`Qəbələ`yə gəlmədi, `Eskişehirspor`a keçir
Millimizin kapitanı Rəşad sadıqovun çıxış etdiyi Türkiyənin `Eskişehirspor` klubu Şotlandiya `Hibernian`ında forma geyən Derek Riordanı transfer etmək istəyir. Azerisport.az xəbər verir ki, 27 yaşlı hücumçunun həmyerlimizə komanda yoldaşı olacağı barədə xəbərləri BBC yayıb.
Məlumatda bildirilir ki, Riordan üçün `Eskişehirspor` 250 min avrosundan keçməyə hazırdı. 2008-ci ildən etibarən `Hibernian` forması ilə çıxdığı 84 matçda 33 qol vuran bu hücumçunun indiyə qədər heç vaxt legioner həyatı yaşamaması diqqət çəkir.
Maraq üçün xatırladaq ki, Riordan yayda Toni Adamsın `Qəbələ`yə baş məşqçi təyin olunmasından sonra, onun ölkəmizə gətirəcəyi ilk oyunçu kimi çox vurğulansa da, Britaniya mətbuatının bu informasiyaları sonda təsdiqini tapmadı.
