30 dekabr 2010 00:37
Luis Ramim ailəsiylə birgə şahmat klubunda (FOTOLAR)
`Bakı` futbol klubunun üzvləri və azarkeşləri 2 nömrəli Uşaq-Gənclər şahmat idman məktəbinin qonağı olublar. Azerisport.az xəbər verir ki, tədbirə yığma komandamızın da şərəfini qoruyan, qış fasiləsini ölkəmizdə keçirməyə qərar verən Fabio Luis Ramim ailəsi ilə birgə gatılıb.
Dünya Azərbaycanlılarının həmrəylik gününə həsr edilmiş ənənəvi şahmat turnirinin bağlanış və mükafatlandırma mərasiminin qonağı olan `Bakı`lılar qalibləri təbrik ediblər.
Məktəbin direktoru Elvin Hüseynov çıxışında diqqətə görə təşəkkürünü bildirməklə bərabər, belə tədbirlərin mütəmadi xarakterli olmasını arzuladığını vurğulayıb. Sonda uşaqlar `Bakı`nın tarixi və nəticələrinə aid viktorinada iştirak ediblər. Ramim isə qaliblərə klub tərəfindən ayrılmış xüsusi mükafatlar təqdim edib. Uşaqlar da öz növbəsində qonaqları hədiyyəsiz yola salmayıblar.
