3 yanvar 2011 16:46
`Barcelona`da bundan sonrakı tarixi o yazacaq
Futbol üzrə İspaniya La Liqasının 17-ci turunda `Barcelona`nın `Levante` üzərində 2:1 hesabıyla qələbə qazandığı oyun meydan sahiblərinin və İspaniya yığmasının aparıcı üzvü Xavi Ernandes üçün əlamətdar olub. Azerisport.az xəbər verir ki, 30 yaşlı yarımmüdafiəçi komandasının heyətində 549-cu oyununu keçirməklə, böyük uğura imza atıb.
Çünki o, bununla keçirdiyi oyunların sayını klubun rekordçusu olan Migel Bernardo ilə bərabərləşdirib. Lakin 1988-ci ildə karyerasını başa vuran Bernardodan fərqli, Xavi hələ də karyerasını davam etdirir və bundan sonra Kataloniya klubunda yeni tarixi məhz bu bu futbolçu yazacaq.
Qeyd edək ki, Migel Bernardo 1973-cü ildən `Barselona`nın şərəfini qorumağa başlayıb və 16 mövsüm bu komandanın uğurları üçün çalışdıqdan sonra, 38 yaşında futbolu buraxıb. 30 yaşlı Xavi isə 1998-ci ildən Kataloniya təmsilçisinin şərəfini qoruyur və bu gedişlə hələ daha bir neçə il futbol oynayacağı şübhə doğurmur. Onun meydana çıxdığı hər oyun isə `Barcelona` tarixi üçün yeni rekord olacaq.
