3 yanvar 2011 18:48
Vəli Qasımov: Ukraynaya qalib gələ bilərdik
Valentin Qranatkinin xatirəsinə həsr olunmuş 23-cü beynəlxalq turnir çərçivəsində bu gün 19 yaşadək futbolçulardan ibarət Azərbaycan və Ukrayna yığmaları arasında keçirilən oyundan sonra yığmamızın baş məşqçisi Vəli Qasımov fikirlərini bildirib. Azerisport.az xəbər verir ki, təmsilçimizin çalışdırıcısı 1:1 hesablı qarşılaşmayla bağlı bunları dilə gətirib:
“Bu turnirə hazırlaşmaq üçün vaxtımız az idi. Komandanın tam komplektləşməsi üçün seleksiya işləri davam etdiriləcək. Bugünkü oyuna gəlincə, yaratdığımız çoxsaylı qol epizodlarından istifadə etsəydik, qalib gələ bilərdik. Heç-heçəni də pis nəticə saymıram”.
