4 yanvar 2011 13:20
Arif Əsədov `Galatasaray`ın düşərgəsində
`Neftçi`nin baş məşqçisi Arif Əsədov bu gün Türkiyəyə yola düşüb. Azerisport.az xəbər verir ki, paytaxt klubunun çalışdırıcısının səfərdə məqsədi, qardaş ölkənin aparıcı klublarından olan `Galatasaray`ın təlim-məşq toplanışında iştirak etməkdi.
“Sarı-qırmızılar”ın baş məşqçisi George Haci bu gün komandasını Antalyadakı təlim-məşq toplanışı çərçivəsində ilk hazırlıq prosesinə çıxaracaq. Həmkarının bu hazırlıq prosesini izləyənlər arasında isə `Neftçi`nin baş məşqçisi də olacaq. Məşqlər zamanı hər iki klubun məşqçilər korpusu arasında sıx əlaqələrin qurulması gözlənilir. Qeyd edək ki, Əsədov məhz Türkiyə klubunun məşqçilər korpusunun dəvəti ilə Antalyaya yollanıb.
