5 yanvar 2011 00:56
`Manchester City`nin ulduz futbolçuları yenə dalaşdı (FOTOLAR)
İngiltərənin transfer çempionu hesab olunan `Manchester City`nin düşərgəsindən zaman-zaman gələn xoşagəlməz xəbərlər də davam etməkdədi. Azerisport.az xəbər verir ki, son günlərə kimi Argentina millisinin hücumçusu Karlos Teveslə baş məşqçi Roberto Mançini arasındakı qalmaqallar gündəmdən düşmürdüsə, bu dəfə komandanın iki ulduz futbolçusu məşq zamanı əlbəyaxaya çıxıb.
Sözügedən qalmaqalın məhz bu gün keçiriləcək `Arsenal`la oyun ərəfəsində baş verməsi rəhbərliyi də ciddi şəkildə narahat etməyə başlayıb. Çünki zirvə uğrunda mübarizə aparan kollektivin bu vacib qarşılaşmada qələbə qazanması üçün nizam-intizamın qaydasında olması da az önəm daşımır. Gəl ki, komandanın dünənki məşqi zamanı Fildişi Sahilindən olan Kolo Ture ilə Toqolu futbolçu Emmanuel Adebayor arasında əsl əlbəyaxa yaşanıb. Onları yalnız komanda yoldaşları güclə də olsa, ayıra biliblər. Mübahisənin əsl səbəbləri açıqlanmır.
Maraq üçün xatırladaq ki, belə bir olay ötən ay da yaşanmışdı. Həmin zaman əlbəyaxa döyüşün iştirakçıları isə Mario Balotelli və Jerom Boatenq olmuşdu.
