6 yanvar 2011 14:06
Mirça Rednik: Onunla 2.5 illik müqavilə bağlayacağıq
Buxarest `Rapid`inin yarımmüdafiəçisi Andrey Mureşan karyerasını `Xəzər Lənkəran`da davam etdirə bilər. Azerisport.az xəbər verir ki, bu haqfda Rumıniya mətbuatı iddia irəli sürüb.
Onların yazdığına görə, Lənkəran təmsilçisi Mureşanla 2,5 illik müqavilə bağlamağa hazırlaşır. Hər halda bu haqda informasiyanı həmkarlarımıza açıqlamasında Mirça Rednik də təsdiqləyib: “Biz artıq həm Mureşanla, həm də klubuyla razılıq əldə etmişik. Bazar ertəsi Antalyaya uçuram. Andrey də bizə orada qoşulacaq. Onunla 2,5 illik müqavilə imzalayacağıq”.
Qeyd edək ki, 1985 təvəllüdlü Andrey Mureşan daha çox 2001–2007-ci illərdə ÇFR klubundakı çıxışları ilə tanınıb. 2008/2010 mövsümlərində `Gloria`ya məxsus olan Mureşan 2009-2010-cu il mövsümünü icarə əsasında Rusiyanın `Kuban` klubunda keçirib. Daha sonra o, ilk klubu `Rapid`ə qayıdıb.
