6 yanvar 2011 14:33
Aleksandr Starkov: Hər şeyə gələn həftə aydınlıq gələcək
Latviya millisinin və `Skonto` klubunun baş məşqçisi Aleksandr Starkov `Bakı`yla danışıqlar apardığını təsdiqləyib. Azerisport.az xəbər verir ki, o, ölkəsindən olan jurnalistlərə müsahibəsində bildirib ki, hər şeyə gələn həftə aydınlıq gələcək.
- İlk sualı yəqin ki, siz özünüz də gözəl bilirsiz...
- Düşünürəm ki, bəli... (gülümsəyir). Nə deyə bilərəm ki? Hələlik `Bakı`yla heç nəyə aydınlıq gətirməmişik. Nə hə, nə də yox deməmişəm. Onu deyə bilərəm ki, klub tərəfindən mənə maraq var və şübhəsiz ki, bu, mənim üçün də xoşdu.
- Demək olarmı ki, danışıqlar gedir?
- Bir daha təkrar edirəm ki, `Bakı` mənimlə maraqlanır.
- Məlum olub ki, guya siz Yeni İldə Azərbaycan paytaxtına səfər etmisiniz...
- Bilirsiniz ki, mən Yeni İldə çox yerə səfərlər edirəm (gülür). Məsələn, Kiyevə. Amma bu, o demək deyil ki, mən `Dinamo`yla münasibət qurmağa gedirəm. Bir sözlə çox yerdə olmuşam, təkcə Bakıda yox.
- Bəs nə vaxt aydınlıq gələcək bu məsələyə?
- Gələn həftə. Onda bütün suallara tam şəkildə aydınlıq gəlmiş olacaq.
