6 yanvar 2011 02:38
`Barcelona` növbəti mərhələyə çətinliklə vəsiqə qazandı
İspaniya kubokunda 1/8 final mərhələsinin cavab oyunlarına start verilib. Azerisport.az xəbər verir ki, kubokun ilk oyun günündə 3 qarşılaşma baş tutub.
`Sevilla` `Malaga` ilə səfər matçında da qələbə qazanmaqla, adını növbəti mərhələyə yazdırıb. İlk oyununda səfərdə heç-heçə edən `Deportivo`nun `Cordoba`yla cavab görüşünün də əsas vaxtında eyni nəticə qeydə alındığından, tərəflər qalibi əlavə vaxtda müəyyənləşdirməli olublar. Lakin həmin vaxt ərzində meydan sahiblərinin vurduğu əlavə iki qol 1/4-ə vəsiqə üçün yetərli olub. Nəhayət ilk oyunda doğma meydanda `Athletic`lə qolsuz heç-heçə etməklə işini çətinləşdirib, hamını təəccübləndirən `Barcelona` çətinliklə də olsa, cavab görüşündəki səfər heç-heçəsi ilə kubokdakı mübarizəsini davam etdirmək şansı qazanıb.
İspaniya kuboku
1/8 final (cavab oyunları)
5 yanvar
Malaga – Sevilla – 0:3 (ilk oyun, 3:5)
Deportivo – Cordoba – 3:1-əlavə vaxtda (1:1)
Athletic Bilbao – Barcelona – 1:1 (0:0)
6 yanvar
15:00. Getafe - Real Betis (2:1)
19:00. Mallorca – Almeria (3:4)
21:00. Villarreal – Valencia (0:0)
23:00. Espanyol - Atletico Madrid (0:1)
01:00. Levante - Real Madrid (0:8)
