6 yanvar 2011 20:46
`Xəzər Lənkəran` 2 yerli futbolçuyla müqavilə bağladı
`Xəzər Lənkəran` bu gün iki yerli futbolçuyla müqavilə bağlayıb. Azerisport.az xəbər verir ki, cənub təmsilçisi hər iki oyunçunu sıralarına qatdığını rəsmi saytı vasitəsilə də elan edib.
Bunlardan biri, öncədən də xəbər verdiyimiz kimi, `Muğan`ın sabiq kapitanı Elnur Abdullayevdi. Onunla 2 illik müqavilə bağlanılıb. 24 yaşlı futbolçu peşəkar karyerasını 15 yaşında `Neftçi`də başlayıb. Ondan sonra `Bakı`nın və son ilyarımda `Muğan`ın şərəfini qoruyub. `Bakı`da oynayarkən futbolçu ölkə çempionu və Azərbaycan Kubokunun qalibi titullarını qazanıb. Evlidi, 1 oğlu var.
Cənubluların digər transferi isə Anar Qasımovdu. Tərəflər bu gün müvafiq 2 illik müqaviləyə imza atıblar. Sağ və ya sol cinah yarımmüdafiəçisi mövqeyində çıxış edə bilən Anar Qasımovun 22 yaşı var. Futbolçu karyerasını o `İnter`in yeniyetmə komandasında başlayıb və həmin heyətdə Azərbaycan çempionu titulunu qazanıb. Daha sonra `Simurq`da, `ABN Bərdə`də və `Qəbələ`də oynayıb. Qasımov `Xəzər Lənkəran`a qədərki son bir ili MOİK-də keçirib.
