8 yanvar 2011 00:42
Rəşad Sadıqov: O, Azərbaycanın ən yaxşı futbolçusu ola bilər
Azərbaycan yığma komandasının kapitanı, Türkiyənin `Eskişehirspor` klubunun müdafiəçisi Rəşad Sadıqov millimizin və `Neftçi`nin gənc yarımmüdafiəçisi Araz Abdullayevin İngiltərənin `Everton` klubuna transferinə münasibət bildirib. Azerisport.az saytına açıqlamasında təcrübəli futbolçu gənc həmkarı haqda bunları dilə gətirib:
“Arazda böyük potensial var. Ən əsası o, tənbəl deyil və öz üzərində işləməyi xoşlayır. Hesab edirəm ki, Azərbaycan futbol tarixinin ən yaxşı oyunçusu ola bilər. Əlbəttə burda hər şey təkcə potensialdan asılı deyil. Burda məşqçinin də böyük rolu var. Axı hər bir futbolçunun inkişafında onun məşqçisinin də müəyyən əməyi olur. Məşqçi futbolçusunun mənfi cəhətlərini aradan qaldırmalıdı”.
