10 yanvar 2011 11:27
Yığma komandanın baş məşqçisi qovuldu
Hazırda davam edən Asiya Kubokundakı ilk matçında gözlənilmədən Suriyaya məğlub olan Səudiyyə Ərəbistanı yığmasının baş məşçqisi Joze Peseyro vəzifəsindən azad olunub. Azerisport.az xəbər verir ki, ərəblər qitə çempionatında hələ heç bir şeyin itirilməməsinə baxmayaraq, komandanın 1:2 hesablı sürpriz məğlubiyyətinin əvəzini Peseyronu postundan uzaqlaşdırmaqla çıxıblar.
Lakin Səudiyyə Ərəbistanının Futbol Federasiyası ona yeni əvəzləyici də tapıb. Bundan sonra sözügedən ölkənin millisini Nasser Əl Johar çalışdıracaq. Bu mütəxəssis daha öncə DÇ-2002 zamanı yığmanın sükanı arxasında da çalışmışdı.
