10 yanvar 2011 12:48
Arveladze: `İnter`in “Birlik Kuboku”nda yüksək nəticə göstərməyə potensialı var
Türkiyənin `Kayserispor` komandasını çalışdıran gürcüstanlı mütəxəssis Şota Arveladze Azərbaycan çempionu `İnter`in “Birlik Kuboku”ndakı şanslarını dəyərləndirib. Azerisport.az xəbər verir ki, o, dünən keçirilən `İnter` - `Taraz` (Qazaxıstan) qarşılaşmasını izləməklə yanaşı, “bankirlər”in rəsmi saytına fikirlərini də açıqlayıb.
Arveladze qarşılaşmanın baxımlı alındığını vurğulayıb və `İnter`in nümayiş etdirdiyi oyun tərzini bəyəndiyini açıqlayıb. Gürcüstanlı mütəxəssis bildirib ki, `İnter`in futbolçularının topla davranışları və hücumların təşkilində göstərdikləri kollektiv iş və fiziki hazırlıq səviyyəsi komandanın potensialından xəbər verir. Komandanın “Birlik Kuboku” turnirindəki çıxışına da toxunan Arveladze rəqiblər barədə ətraflı məlumatı olmasa da, `İnter`in həmin turnirdə yüksək nəticə əldə etməyə imkan verən potensiala malik oldugunu bildirib.
