11 yanvar 2011 14:17
Milli komandanın baş məşqçi postunda serbi serb əvəzlədi
Qana milli komandasının sükanı arxasına yeni baş məşqçi gətirilib. Azerisport.az xəbər verir ki, sözügedən ölkə yığmasını bundan sonra serb Qoran Stefanoviç çalışdıracaq.
Qana Futbol Federasiyasının açıqlamasında, namizədlər arasından Stefanoviçin seçildiyi və serbiyalı mütəxəssislə 4 illik anlaşma imzalandığı bildirilir.
Qeyd edək ki, Stefanoviç bu postda həmyerlisi Milovan Rayevaçı əvəzləyib. Bütövlükdə isə Stevanoviç Qana millisini çalışdıran 3-cü serb mütəxəssis olacaq. Rayevaçdan öncə Ratomir Duykoviç də bu ölkənin yığmasını çalışdırmışdı.
Karyerasının böyük hissəsini `Partizan`da keçiren Stefanoviç, daha öncə İspaniya və Portuqaliyada da çalışıb.
