11 yanvar 2011 15:07
Hiddink Türkiyənin yığmamıza qarşı oyununu faciə adlandırdı
AÇ-2012-nin seçmə mərhələsi çərçivəsində yığmamızın rəqiblərindən olan Türkiyə yığmasının baş məşqçisi Qus Hiddink yenə komandası və qrupumuzdakı durumu dəyərləndirib. Azerisport.az xəbər verir ki, qardaş ölkədən olan həmkarlarımıza geniş müsahibə verən hollandiyalı mütəxəssis yığmamızla oyundan da danışıb:
“Mən Türkiyəyə gələrkən, yaşları çox olan futbolçuları dəyişdirməyi düşünürdüm. Amma Almaniya və Azərbaycana məğlubiyyətlər bu prosesi daha da sürətləndirdi, tezləşdirdi. Almaniya matçında oynadığımız futboldan heç də məmnun deyiləm. Əslində gücümüz vardı. Amma bunu göstərə bilmədik. Güclü komanda qarşısında uduzmaq olar, amma bizim oynadığımız futbol deyildi.
Azərbaycana qarşı göstərdiyimiz faciəvi oyun isə bu yoldakı işimizi daha da sürətləndirdi. Əslinda tamamən gənc oyunçular da deyillər. 22-23 yaşlılardan bəhs edirik. Əlimizdən gələn yeganə iş onlara şans verməkdi. İslahatlar davam edəcək. 5-6 il eyni səviyyədə çıxış edə biləcək komanda qurmağa çalışırıq”.
