11 yanvar 2011 17:06
`Qarabağ` Admir Telisinə qovuşdu (FOTOLAR)
`Qarabağ` Antalyada təşkil olunan təlim-məşq toplanışını davam etdirir. Azerisport.az xəbər verir ki, bu gün komanda bir məşqlə kifayətlənib.
Günün tək çalışması yerli vaxtla 10:30-da baş tutub. Yüngül təmrinlər və qaçışın ardından komanda bütün meydan boyu texniki və taktiki xüsusiyyətləri özündə birləşdirən çalışma yerinə yetirib. Artıq komandanın sonuncu legioneri Admir Teli də məşqlərə başlayıb. Komandanın düşərgəsinə bir gün gec qoşulan albaniyalı bu gün zədəli Rəşad Kərimovla ayrılıqda, qaçaraq məşq edib.
Məşqin sonunda mini-turnir keçirilib. Emin İmaməliyev, Ansi Aqolli və Samir Abbasov özlərinə komanda qurublar və 3-lü turnir keçirilib. Daha çox təcrübəlilərdən qurulmuş Eminin komandası 1 qələbə və heç-heçəylə turnirin qalibi olub. Eminin komandasında Raufun əla formada olması diqqətlərdən qaçmaıyb. Eyni zamanda Tural İsgəndərov vurduğu 2 əsrarəngiz qolla yadda qalıb.
