11 yanvar 2011 11:26
Rəşad Sadıqovun komandası daha 4 futbolçusuyla vidalaşdı
Millimizin kapitanı Rəşad Sadıqovun da çıxış etdiyi Türkiyə Superliqası təmsilçilərindən `Eskişehirspor` daha 4 futbolçusuyla yollarını ayırıb. Azerisport.az xəbər verir ki, həmyerlimizin komandası Luka Vuçko, Caner Celep və Bülənt Kocabey ilə sözləşməsini qarşılıqlı olaraq ləğv edib.
2008-ci ildən `Eskişehirspor` forması geyən və bu müddətdə 4 qola imza atan Vuçko, ölkəsinə dönərək Xorvatiyanı `Rijeka` klubuyla müqavilə bağlayıb. Elə həmin ildə `Hacettepe`dən `Eskişehirspor`a transfer olunan sol cinah oyunçusu Bülənt Kocabeyin də Superliqanın digər təmsilçilərindən `Karabükspor`la anlaşdığı bildirilir. 2010-cu ildə `Denizlispor`dan transfer olunan Caner Celep isə Bank Asiya birinci liqa komandalarından `Kartalspor`la anlaşıb. Hansı ki, həmin komandada digər həmyerlimiz – qapıçı Vitali Kovalyov çıxış edir.
`Eskişehirspor`un bu mövsümün əvvəlində Sloveniyanın `Olimpija` (Luublyana) komandasından transfer etdiyi Agim İbraimini də yola saldığı iddia olunur.
