12 yanvar 2011 02:38
`Skonto` və UEFA-nın rəsmi saytı: Starkov `Bakı`da
Latviyanın `Skonto` klubu baş məşqçi postuna Marian Paxarın təyin olunduğunu rəsmən bəyan edib. Azerisport.az xəbər verir ki, artıq bu məlumatı həm klubun, həm də UEFA-nın rəsmi saytı təsdiqləyib.
Maraqlıdı ki, hər iki rəsmi məlumatda komandanın əvvəlki baş məşqçisi Aleksandr Starkovun `Bakı`nı qəbul etdiyi bildirilir. Artıq Starkovun Azərbaycanda işləməsinə razılıq verən `Skonto` rəhbərliyi və oyunçular 56 yaşlı mütəxəssisə gələcək karyerasında uğurlar arzulayaraq, komandanın inkişafındakı xidmətlərinə görə minnətdarlıq ediblər.
Lakin `Skonto`nun rəsmi saytından fərqli, UEFA-nın rəsmi orqanında Starkovla `Bakı` rəhbərliyi arasındakı danışıqların müsbət sonluqla başa çatmaq üzrə olduğu bildirilir. Halbuki, 3 gün ərzində ölkəmizdə olan Starkovun paytaxt klubuna keçidi baş tutmadı. Çünki hazırkı baş məşqçi Vinfrid Şefer müqaviləsinin müddəti başa çatmadığından vəzifəsini tərk etməkdən imtina etdi.
