12 yanvar 2011 17:44
`Beşiktaş` daha bir futbolçusuyla yollarını ayırdı
Həyata keçirdiyi şok transferlər nəticəsində düşərgəsində yer alan legionerlərin çoxluğundan problemlərlə üzləşən `Beşiktaş` daha bir futbolçusuyla müqaviləsini dondurmağı qərar alıb. Azerisport.az xəbər verir ki, İstanbul klubu Mihael Finkin xidmətindən mövsümün sonuna kimi yararlanmamaq fikrindədi.
Qeyd edək ki, “ağ-qaralar” Tomas Zapotocnını Çexiyanın `Sparta` (Praqa) klubuna göndərməklə, mövsümün əvvəlindən bəri müqaviləsi dondurulan Tomas Sivoka yol açdı. Filip Holoskonu isə dünən `İstanbul BB`yə icarəyə verən “Qara Qartal” Simao Sabrozanın önünü açıb. Finkin sözləşməsinin ləğvi isə, digər yeni legioner transfer Huqo Almeydanın əsas heyətdə çıxışına imkan verəcək.
Ən sonda isə `Beşiktaş` rəhbərliyinin sıralarında saxlamaq istəmədiyi Rodriqo Tabatanı göndərməklə digər yeni transfer Manuel Fernandesə yol açması gözlənilsə də, bu futbolçu heç bir yerə getmək istəmir. Qeyd edək ki, İstanbul klubu bu oyunçusu millimizin kapitanı Rəşad Sadıqovun da şərəfini qoruduğu `Eskişehirspor`a verməklə, həmin komandanın gənc oyunçularından Sezər Öztürkü sıralarına qatmaq istəyir. Lakin Tabata Eskişehirə getməyə razılaşmır. Belədə, Fernandesin aqibətinin necə olacağı maraqla gözlənilir.
