12 yanvar 2011 11:34
“Hər şeyi edəcəyik ki, `İnter`in əhval-ruhiyyəsini korlayaq”
“Birlik Kuboku”nda Azərbaycan çempionu `İnter`in rəqiblərindən olan Moldovanın `İskra-Stal` klubunun kapitanı Andrey Burkovski azerisport.az və “Zerkalo”ya müsahibə verib.
- “Birlik Kuboku”na hazırlığınız necə gedir?
- Biz yalnız bu turnirə hazırlaşmırıq. Qarşıda bizi ölkə birinciliyində də kifayət qədər çətin oyunlar gözləyir. Artıq bir neçə yoldaşlıq görüşü keçirməyə nail olmuşuq. Onlardan biri də `Rapid` idi ki, 4:2 hesabıyla məğlub etdik. Odu ki, demək olar hazırlıq prosesini yekunlaşdırmışıq. Sankt-Peterburqa da böyük ümidlərlə gedirik. İstəyirik ki, mümkün qədər yaxşı çıxış edək.
- Sizin qarşınıza hansı vəzifə qoyulub?
- Rəhbərlik qarşımıza konkret vəzifə qoymayıb. Sadəcə minimum qrupdan çıxmağı hədəfləyirik. Ondan sonrakı uğurumuz isə sərgiləyəcəyimiz oyundan asılıdı. Hələ ilk növbədə qrupdan çıxmaq lazımdı. Hansı ki, çox ciddi rəqiblərimiz var. Bu mənada xüsusilə Azərbaycan çempionunu qeyd etməyə dəyər. Əgər səhv etmirəmsə, `İnter` qarşısına “Birlik Kuboku”nu qazanmaq vəzifəsini qoyub. Hesab edirəm ki, bizi bakılılarla çox çətin qarşılaşma gözləyir. Gizlətmirəm ki, komandanız üzərində qələbə qazanmağı çox arzulayıram. Oyun öncəsi şanslar bərabərdi.
- Ən çətin rəqibiniz haqda nələri bilirsiz?
- Bilirəm ki, sizdə kifayət qədər legioner var. Ümmiyyətlə, son dövrlər Azərbaycan çempionatında heç də az futbolçu çıxış etmir. Buna görə də, `İnter`ə çox ciddi yanaşırıq.
- Azərbaycan klubları 2 dəfə bu turnirin qalibi olub. İndi də `İnter` bu uğuru təkrarlamaq istəyir.
- Düşünürəm ki, komandanızın buna ümid etmək üçün hər cür şansı var. Axı son illərdə Azərbaycan klubları bu turnirdə dəbi müəyyənləşdirir. Biz hər şeyi edəcəyik ki, onların əhval-ruhiyyəsini korlayaq. Bizim bu kuboku qazanmağa böyük iddiamız yoxdu. Ümumiyyətlə, bir çox klub bu turnirə sadəcə hazırlıq prosesinin bir mərhələsi kimi baxır. Ancaq təbii ki, biz də özümüzü göstərmək istəyirik.
- Komandanızın heyəti ötən illə müqayisədə çoxmu dəyişib?
- Bir sıra oyunçular komandanı tərk edib. Ancaq yeni oyunçular da gəlib. Hansı ki, bizdə özlərini göstərə bildilər. `İnter`dən əsas fərqimiz odu ki, bizim itiriləsi heç nəyimiz yoxdu. Biz qarşımıza elə ciddi vəzifələr qoymuruq. Əgər yarımfinala çıxsaq, onda bu çox əla olardı. “Birlik Kuboku”na qatılan komandaların demək olar ki, hamısı bir-biriylə eyni gücdədi. Baxmayaraq ki, bəziləri favorit göstərilir.
- Bizim çempionun oyununu izləmisiz?
- Xeyr. Turnirin gedişində tanış olacağıq. Hələ `İnter`in oyununu izləmək üçün vaxtımız olacaq.
