12 yanvar 2011 12:26
UEFA-dan şok xəbər: Avropa klubları borc bataqlığında
UEFA, Avropa klublarının borc bataqlığında olduğunu açıqlayıb. Azerisport.az xəbər verir ki, qitə futbol klublarının maliyyə durumları haqqında raport hazırlayan hazırlayan UEFA, Avropada yüksək liqalarda mübarizə aparan 733 klubun 56 faizinin maliyyə böhranı içində olduğinu iddia edib.
Lakin UEFA maliyyə böhranı keçirən klubların adlarını rəsmi açıqlamaqdan boyun qaçırıb. Məlumatda yalnız o bildirilir ki, böhran keçirən klubların qarşıdakı illərdə qitə birinciliklərində iştirakı da asan başa gəlməyəcək. Belə ki, hər bir klubun maddi imkanlarını bütün incəliklərinə qədər yoxlayacaqlarını bildirən UEFA rəsmiləri müəyyən edilmiş tələblərə cavab verməyən klublar cəzalandırılmaqla yanaşı, Çempionlar Liqası və Avropa Liqası kimi mötəbər turnirlərə buraxılmayacaq.
