13 yanvar 2011 14:38
AZAL baxışa çağırdığı futbolçuların adlarını açıqladı
Transfer fəaliyyətini davam etdirən AZAL-da baxışa cağrılacaq futbolçuların bəzilərinin adları müəyyənləşib. Azerisport.az xəbər verir ki, 18 yanvar - 1 fevral aralığında Antalyada təlim-məşq toplanışı keçirəcək paytaxt təmsilçisində bir çox əcnəbi oyunçular baxışa cəlb olunacaqlar.
Bunlar bosniyalı Veldin Muharemovic, alban Kaciu Bardil, kolumbilaylı Edvin Maurisio Kalar, latviyalı Ritus Krjauklis, bolqar Enyo Krastovcevdi. Bundan başqa, dəvət olunanlar arasında braziliyalı Reynaldo Xose Zacaris və belaruslular - Gennadi Bliznyuk və Vitali Panasyuk da var.
Qeyd edək ki, tərtib olunan siyahıda makedoniyalı Ostoja Stepanoviçin də adı var idi. Amma özünə klub tapan Stepanoviç AZAL-a gəlməkdən imtina edib.
