14 yanvar 2011 20:28
Elvin Məmmədov `Qarabağ`ı tərk edəcək
Azərbaycan yığmasının yarımmüdafiəçisi Elvin Məmmədov şərəfini qoruduğu `Qarabağ` klubuyla ortaq məxrəcə gələ bilməyib. Azerisport.az xəbər verir ki, Ağdam klubunun rəhbərliyi yayda müqaviləsinin müddəti başa çatacaq orta sahə oyunçusuyla anlaşmanın müddətini artırmağa çalışsalar da, buna nail ola bilməyib.
Belə ki, tərəflər maliyyə məsələlərində dil tapa bilmədiklərindən 23 yaşlı futbolçunun yayda iş yerini dəyişəcəyi dəqiqləşib. Onun sadəcə yaya kimi Ağdam klubunda qalacağı gözlənilir.
Qeyd edək ki, artıq xeyli müddətdi `Bakı` milli üzvünü sıralarına qatmaq istəyir. Lakin onun klubuyla müqaviləsinin olması “zolaqlılar”a mane olurdu. Elvin azad agent statusu qazanacağı halda isə, başqa kluba gedişində problem olmayacaq.
