15 yanvar 2011 16:33
UEFA AZAL-ın stadionunu yanvarın 26-da təftiş edəcək
AZAL-ın Şüvəlanda yeni inşa etdirdiyi arenanın UEFA nümayəndələri tərəfindən təftişi gecikəcək. Azerisport.az xəbər verir ki, paytaxt klubunun müraciətinə əsasən qitə futbol qurumunun rəsmiləri artıq bu gün Bakıda olub, yeni tikilən stadiona baxış keçirmələri gözlənilirdi.
Lakin UEFA nümayəndələrinin Bakıya yanvarın 26-da gələcəyi məlum olub. Buna isə müvafiq dəvətnamənin onlara gec çatması xəbər verilir. Nəticədə UEFA rəsmilərinin viza almaları yubanıb.
Qeyd edək ki, bu stadionun rəsmi açılışı may ayının 10-na planlaşdırılıb. Amma AZAL ev oyunlarını qış fasiləsindən sonra burda keçirməyi planlaşdırır. Yeni stadionda ilk oyunun isə fevralın 25-də `Bakı`yla dueldə gerçəkləşməsi variantı yüksəkdi. Bu baş tutmasa, `altılıq`dakı ilk ev oyunu burda gerçəkləşəcək.
