15 yanvar 2011 16:49
Ələkbər Məmmədov: Biz hələlik “Birlik Kuboku”na əsas heyətlə getməliyik
Azərbaycanın veteran futbolçusu Ələkbər Məmmədov Sankt-Peterburqda azerisport.az saytının əməkdaşının suallarını cavablayıb.
- Sizcə “Birlik Kuboku” nə dərəcədə vacib turnirdi?
- Veteranlar üçün bu turnirin xüsusi əhəmiyyəti var. Bu, bir çoxlarıyla yenidən görüşməyə imkan verir. Axı məhz yanvarda Moskvaya və ya Peterburqa səfər etməli oluruq. Bu dəfə də keçmiş həmkarlarımla görüşməyi planlaşdırıram. Eyni zamanda `İnter`in oyununu izləməyim də maraqlı olacaq.
- Azərbaycan çempionundan nə gözləyirsiz?
- Çox böyük ümidlərim var. Onlarda bu turniri qazanmaq üçün hər cür şans var. Demək olar ki, biz qələbəylə dönə bilərik. Heyət də daha çox şey gözləməyə imkan verir. Başlıcası odu ki, rəqiblərə hörmət edib, layiqincə qiymətləndirə bilələr. Favorit olsaq da, rəqabət çox yüksəkdi.
- `İnter` “Birlik Kuboku”na sahib çıxan üçüncü Azərbaycan klubu ola bilər. Ola bilər ki, bundan sonra daha klublarımız da bura əvəzedici heyətlərini göndərsinlər?
- Bizə hələlik əsas heyətlə gəlməyimiz lazımdı. Bizim azarkeşlər üçün “Birlik Kuboku” çox şey deməkdi. İstəyirəm ki, mətbuat da bu baxımdan diqqətli olsun. Bu turnirin əhəmiyyətini kimlərinsə gəlməməsinə görə azaltmaq lazım deyil.
- Sizcə, `İnter` heyətinə görə bütün iştirakçılardan güclüdü?
- Mən hələlik bütün iştirakçıların heyəti ilə yaxından tanış deyiləm. Amma onu deyə bilərəm ki, `İnter`in futbolçuları özlərini göstərməyə hazırdılar. Biz sadəcə qələbə qazanmağa borcluyuq. Ümid edirəm ki, belə də olacaq və Bakıya kubokla birgə qayıdacağıq.
- Sizcə turnirin imicini geri qaytarmaq üçün nə etmək lazımdı?
- Bu yolda ilk öncə Rusiya və Ukrayna çempionlarının əsas heyətlə mübarizə aparması lazımdı. Digər tərəfdən bu turniri başqa şəhərlərdə təşkil etmək barədə də düşünməyə dəyər. Moskva və Sankt-Peterburq artıq bu turnirə ev sahibliyi edib. Dəyişikliklər lazımdı.
