15 yanvar 2011 17:08
Bosniya millisinin hücumçusu `Qarabağ`da (FOTOLAR)
`Qarabağ` Antalyada keçirilən təlim-məşq toplanışının 7-cü günündə bir məşqlə kifayətlənib. Azerisport.az xəbər verir ki, ənənəvi olaraq 10:30-da başlayan çalışma 2 saat davam edib.
Bu günki məşqdə xəstələnməsi səbəbindən Namiq Yusifov iştirak etməyib. Əfran İsmayılovla Rəşad Kərimov isə ayrılıqda çalışıb. Əfran sabahdan etibarən komadayla tam olaraq hazırlıqlarda iştirak edəcək. Sol ayaq əzələsində bir qədər ağrı hiss edən Rauf Əliyev isə bu günki məşqdə qaçmaqla kifayətlənib.
Bu arada komandanın düşərgəsinə daha bir legioner qoşulub. 25 yaşlı Zoran Kokot hücumçudu. Solaxay forvard 25 yaşındadı. Kokot Bosniyalıdı. Millisinin dekabrın 10-da baş tutmuş Polşayla oyununda meydanda olub. Forvardın sonuncu klubu vətənində `Slaviya` olub. Kokot haqqında yaxın günlərdə qərar veriləcək.
