15 yanvar 2011 17:41
“Altılığ”a 50 xalla daxil olmaq istəyirik”
Türkiyədə təlim-məşq toplanışında olan `Neftçi`nin futbolçusu Rəşad Abdullayev klubun rəsmi saytına fikirlərini bildirib. Azerisport.az xəbər verir ki, təcrübəli yarımmüdafiəçi hazırlıq prosesi və hədəfləri barədə bunları dilə gətirib:
“Yanvarın 10-dan hazırlığa başlamışıq. Məşqlərimiz intensiv şəkildə davam edir. Komandamızın hər bir üzvü dərk edir ki, təlim-məşq toplanışında nə qədər çox çalışarsa, çempionat oyunlarında bir o qədər rahat olar. Fiziki hazırlıq üzrə türkiyəli mütəxəssis Mehmet Ak komandamıza qoşulub. Bu, bir növ kollektivə yeni nəfəs gətirib.
Qalan 3 görüşdə qalib gələrək, “altılığ”a 50 xalla daxil olmaq istəyirik. Biz bütün komandalarla oyuna ciddi önəm veririk. Rəhbərliyin qarşımıza qoyduğu hədəf hamıya bəllidir. Ölkə çempionatının və kubokunun qalibi olmaq üçün hər bir görüşə yalnız qələbə qazanmaq üçün çıxırıq”.
