15 yanvar 2011 18:09
Türkiyə mətbuatı: `Es-Es`in problemsiz yeri – müdafiədi
Türkiyə mətbuatı dünən Antalya toplanışını başa vuran `Eskişehirspor`un hazırkı durumunu analiz edib. Azerisport.az xəbər verir ki, millimizin kapitanı Rəşad Sadıqovun da top qovduğu komanda haqda əksər həmkarlarımız ağızdolusu fikirlər səsləndirməkdədi.
Keçirilən məşqlər və baş tutan 4 sınaq matçının Bülənt Uyğunun yetirmələrinə çox şey qazandırdığını yazan türkiyəli jurnalistlər komandanın ikinci dövrəyə tam hazır olduğunu düşünürlər: “Bülənt Uygun kollektivdə dostluq əhval ruhiyyəsini, komanda oyununu yaratmağı bacarıb. Meydandan kənardakı birlik, mehribanlıq meydanda da hiss olunur. Elə keçirilənn 4 sınaq görüşü də bunu isbatladı”.
Komandanın yeganə problemi kimi yaradılan çoxsaylı qol epizodlarından yararlana bilməməsini vurğulayan həmkarlarımız problemsiz olan yeganə mövqe kimi isə müdafiəni qeyd edib: “Eskişehirspor`un yeganə çatışmazlığı 1ol yollarında çətinlik çəkməsidi. Adem Sarı, hələ də `Fenerbahçe`də vurduğu iki qolun röyasıyla yaşayır. Heç bir şey artırmayıb və belə niyyəti də yoxdu. Batuhan qol bölgələrində top axtarır, amma itirilən topların arxasınca pressinq tətbiq etmir, yükü orta sahəyə buraxır. Orta sahəylə bağlı ciddi problemlər yoxdu. Cinahlar da pis işləmir. Amma `Eskişehirspor`un ən problemsiz yeri – müdafiəsidi. Oturmuş və faydalı iş əmsalına görə qapıçı İvesanı rahat saxlaya bilirlər”.
