15 yanvar 2011 18:17
`Muğan` da məşqlərini bərpa ebib, hazırlıq planlarını açıqladı
Premyer Liqamızın daha bir iştirakçısı - `Muğan` da hazırlıqlara start verib. Azerisport.az xəbər verir ki, yanvarın 12-də məşqlərə başlayan Salyan təmsilçisi hələlik Bakıda hazırlaşır.
Hazırlıq prosesinin 3 mərhələdən ibarət olacağı, Bakı və Salyan şəhərlərində keçiriləcəyi xəbər verilir. Bəhmən Həsənovun yetirmələri yanvarın 25-dək Bakıda hazırlıq keçəcək. Daha sonra məşqlərini doğma divarlar arasında davam etdirmək üçün komandanın bu ayın sonlarında Salyana yola düşəcəyi gözlənilir.
Hələlik düşərgəyə yalnız yerli oyunçular gəlib. Komandanın əcnəbiləri isə sabah - yanvarın 16-da ölkələrindəki istirahəti yekunlaşdırıb, Azərbaycana qayıtması nəzərdə tutulub.
Hazırlıq müddəti ərzində 3 yoldaşlıq görüşü keçirməyi planlaşdıran `Muğan` həmin ərəfədə komandanın düşərgəsinə dəvət edilən bir sıra legioner futbolçuları da sınaqdan keçirəcək.
