15 yanvar 2011 00:03
AÇ-2011: Liderlər sülh bağladı, Bəhreyn Hindistanı qol yağışına tutdu
Qətərdə düzənlənən Asiya çempionatında ikinci turun növbəti oyunları keçirilib. Azerisport.az xəbər verir ki, qitə birinciliyinin səkkizinci oyun günündə C qrupunda qərarlaşan komandalar növbəti görüşlərini keçiriblər.
Günün ilk oyununda Avstraliya və Cənubi Koreya yığmaları öz araralarındakı münasibətlərə aydınlıq gətiriblər. İlk oyunlarında qələbə qazanan tərəflərin gərgin keçən qarşılaşmasında qalib müəyyənləşməyib. Hesabı koreyalılar açsa da, avstraliyalılar fasilədən sonra bərabərlik qolunu vurublar. Beləcə liderlər xal bölgüsünə razılaşıblar.
Bəhreyn isə Hindistanı qol yağışına tutub. Bir oyunçusunun pokerə imza atdığı qarşılaşmada bəhreynlilər inamlı qələbəyə seviniblər.
Asiya Kuboku
Qrup mərhələsi
14 yanvar
C qrupu
Avstraliya – Cənubi Koreya – 1:1
Qol: Jedinak, 62 – J.Koo, 24.
Bəhreyn – Hindistan – 5:2
Qollar: Aaiş, 8-pen, Latif, 16; 29; 35; 78 – Sinq, 9, Çetri, 53.
| 1 | Avstraliya | 2 | 1 | 1 | 0 | 5 | - | 1 | 4 |
| 2 | Cənubi Koreya | 2 | 1 | 1 | 0 | 3 | - | 2 | 4 |
| 3 | Bəhreyn | 2 | 1 | 0 | 1 | 6 | - | 4 | 3 |
| 4 | Hindistan | 2 | 0 | 0 | 2 | 2 | - | 9 | 0 |
