16 yanvar 2011 01:15
Mişel Platini: Yenə Azərbaycan klubunun qalib olması mümkündü
UEFA prezidenti Mişel Platini Sankt-Peterburqda keçirilən “Birlik Kuboku”nun bu dəfə də Azərbaycan təmsilçisi üçün uğurla başa çatmasının mümkünlüyün istisna etmir. Azerisport.az saytına müsahibəsində qitə futbol qurumunun rəhbəri bu haqda danışarkən aşağıdakıları dilə gətirib:
“Sizin bir komandanız artıq Sankt-Peterburqda qələbə qazanıb. Mən həmin finalı yaxşı xatırlayıram, tribunada oturanlar arasındaydım (`Xəzər Lənkəran`ın Özbəkistan `Paxtakor`u üzərində qələbə qazanaraq, çempion olduğu ili nəzərdə tutur – red.). Bu dəfə də eyni uğuru təkrarlamağınız mümkündü. Ancaq hələ bu haqda indidən danışmaq bir qədər tezdi. Çünki turnir hələ yenicə başlayıb”.
