16 yanvar 2011 16:18
`Galatasaray`ın yeni arenası üçün qalmaqallı açılış (FOTOLAR)
Türkiyənin `Galatasaray` klubunun yeni inşa etdirdiyi `Türk Telekom Arena`nın dünən möhtəşəm açılış mərasimi təşkil olundu. Lakin azerisport.az xəbər verir ki, arenanın açılış böyük qalmaqallarla yadda qaldı.
Qeyd edək ki, təxminən 2 saat davam edən açılış mərasiminə dünyanın bir sıra yerindən `Galatasaray`a bağlılığı olan tanınmış insanlar dəvət olunmuşdu. Hətta Türkiyənin baş naziri Rəcəb Tayyib Erdoğanın da qatıldığı yeni stadionun açılışı üçün hər şey edilsə də, `Galatasaray` azarkeşlərinin xoşagəlməz hərəkətləri Türkiyəyə böyük şok yaşadıb. Çünki tərəfdarlar bu arenanın inşa olunmasında böyük fədakarlıq göstərmiş nazirə qarşı hörmətsizlik ediblər. Onun arenanın açılışına gəldiyini eşidincə tərəfdarlar Erdoğanı fitə basıb. Azarkeşlərin bu hərəkətinə qarşılıq olaraq mərasimdə sona kimi oturmayan baş nazir arenanı tərk etməyə qərar verib.
Açılış mərasiminin sonunda `Galatasaray` yeni arenasında ilk oyununa da çıxıb. Hollandiyanın `Ajax` klubu ilə qarşılaşan “sarı-qırmızılar” yeni arenalarındakı debüt matçından qolsuz ayrıldığı halda, azarkeşlərinin tərbiyəsizliyindən qəzəblənən `Galatasaray` prezidenti Adnan Polat da bu matçı sona kimi izləməyib və arenadan tez ayrılıb.
Bütün bunlarla yanaşı Türkiyə mətbuatı bir sıra `Galatasaray`lının, həmçinin digər tanınmış şəxslərin dünənki tədbirə dəvət olunmamasını, dəvət olunanlara da lazımı qonaqpərvərliyin göstərilməməsini də biabırçılıq kimi qeyd edib. Bu mənada ən xoşagəlməz olaylardan biri də qardaş ölkənin ünlü çalışdırıcılarından olan Fatih Terimin arenanın girişində üzləşdiyi xoşagəlməz olay nəticəsində elə ordan geri qayıtması olub.
Türk Telekom Arenadakı ilk oyuna gəlincə, matçın protokoluna baxmaqla, hər şeydən xəbər tuta bilərsiz.
Yoldaşlıq görüşü
GALATASARAY – AJAX - 0:0
İstanbul. Türk Telekom Arena
Baş hakim: Fırat Aydınus.
Galatasaray: Ufuk, Serkan (İnsua, 46, Cana, Servet (Semih, 67), Hakan (Barış, 46), Sabri, Ayhan (Mustafa, 46), Emre (Cumhur, 89), Culio (Aydın, 59), Arda, Kazım (Anıl, 59).
Ajax: Stekelenburg, Van Der Viel (Anita, 59), Alderveyreld, Vertongen (Oojier, 79), Emanuelson (Blind, 63), De Zeeuv, Enoh (Suares, 63), Suleymani, Eriksen, Bonevaçya (Aras, 78, De Yonq (Lindgren, 80).
