17 yanvar 2011 13:56
Rusiya Futbol İttifaqı və taciklər `İnter`in 2 qolunu saymadılar
“Birlik Kuboku”nun ikinci turu çərçivəsində dünən keçirilən `İstiqlal` (Tacikistan) ilə oyunda 3 hesabıyla qələbə qazanan son Azərbaycan çempionu `İnter`in iki qolu hesaba alınmayıb. Azerisport.az xəbər verir ki, bu barədə həm Tacikistan mətbuatında, həm də Rusiya Futbol İttifaqının rəsmi saytında fərqli məlumat verilib.
Məsələ burasındadı ki, komandamızın heyətində hesabı açan Bronislav Çervenka ilə Girts Karlsonsun qolları avtoqol kimi qələmə verilib. Nəticədə həmin qollar Davron Erqaşevlə Sahib Suvonkulovun adına yazılıb. Qeyd edək ki, Karlsons Qırğızıstan `Neftçi`si ilə oyunda da fərqləndiyindən bombardirlər siyahısında yer almaq şansına malik idi. Lakin onun bir qolunun bu şəkildə silinməsi vəziyyəti dəyişdirdi.
